... حزين ... !

بكيت ماهو ألم ولا عشاني حزين ..


ولا هو من سبة شي وجرالي ..






بكيت بمحي صورته داخل العين ..


وأزريت لأمحي صورته من خيالي ..






ماحد ملك قلبي سوا كامل الزين ..


وحبن سوا حبه حشا ماطرالي ..






ماشفت مثله لا في لندن وبرلين ..


ولا جنوبي المملكه والشمالي ..






لأن ربي ماخلق منه أثنين ..


هو ساكنن روحي وعقلي وبالي ..






الله يسامح حبيبي وطبعه الشين ..


كانه يسهرني وينام الليالي ..






الحب وش غيره يذل السلاطين ..


يخليه خادم عقب ماكان والي ..






وفلبي تراه اليوم مقسوم نصفين ..


نصفن معه روّح ونصفن بقالي ..

وسلامتكم ~